24 november: Dunderdag-morgen-gebak.

drentse-vlagOp dunderdag huuf ik niet hen ’t wark in Grun’n. Dunderdag is mien vrije dag. Die verlöp miestal volgens een vast patroon:  ’s morgens doe ‘k de boodschappen en verder stiet op die dag wc’s soppen op het programma. De radio stiet de hiele dag op 5. Ien van de mooiste momenten van die dunderdag is de koffie um tien uur. Koffie met verse broodkappies. Bin ik allent dan hè ‘k twee kappies. Lekker! De Jumbo in Roden hef nog een eigen bakkerij, dus die kappies bint nog een beetie knapperig van de oven.

Toen de kinder nog thuus woonden nuumden wij die kappies ‘dunderdag-morgen-gebak’. As ze op kappieschoele zaten dan misten ze dat natuurlijk, maor hadden ze vekaansie dan verheugden ze zuch d’r op. As ik dan thuus kwam van de winkel, heulen wij de kappies uut de broodpuuten, smeerden d’r botter op  en verdielden  ze over het aantal aanwezigen. Lekkerder dan koekies.

Het bint van die kleine dinge die het leven zo veraangenaamt. Vanmörgen haar ik alle kappies  veur mijzelf…

Dit bericht is geplaatst in Streektaol met de tags , , . Bookmark de permalink.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Type de getallen in cijfers in onderstaand vak * Time limit is exhausted. Please reload the CAPTCHA.