Streektaol

Of en toe schrief ik een blog in onze eigen streektaol.
Gerard en ik praot Drents met ’n beiden, dat hebt wij thuus zo leert. Met de olders, breurs & zusters, vrienden enzo praot wij altied Drents. De olders van Gerard gruiden op rond Beilen, mien olders kwamen uut Coevorden (mien va) en EmmerCompascuum (mien moe). Wij hebt oonze kinder niet in de streektaol opvoed. Achterof haar dat misschien wal moeten, maor ‘achternao kikst een kou in de kont’ zegt ze zo treffend bij mien moe in femilie. Ze praot het niet, maar verstaot het wel. drents
Dochter Frea hef een half jaor in Spanje woont en heurde daor op een roltrap twee meinsn tegen mekaar zeggen: “Daor bin ‘k toch zo wies met!” en onmiddellijk haar ze ‘thuus’ in de kop.

Het Drents is mij slim dierbaar. Het is vertrouwd, in het Drents komp alles wat dichterbij. Zo gauw as ik verneem dat mien gesprekspartner een ‘noordelijk’ accent hef zal ik altied vraogen of het gesprek in de streektaol wieder voert kan worden.
Daarum dus soms een blog in het Drents én af en toe een mooi liedtie van Daniël Lohues.

Alle blogs in de Streektaol >>>