Het kwam al ies veurbij op dizze website, ik heb het veurlezen bij ‘Taol an tafel’ in Dwingel en dizze maond is het publiceerd in het
Drentse 
tiedschrift ‘Zinnig’; mien verhaol over oonze illustere buurvrouw Trijn die naast ons woonde toen wij as jonggetrouwd stel neerstreken aan de Vaortweg in Smilde.
De Zinnig stun dit keer in het tieken van ‘Naoberschap’, dus mien verhaol paste der goed bij.
Oonze avonturen met Trijn speulden zöch of van 1985 tot 1989.
Ie kunt je het nou haost niet meer veurstellen, maor toen gung het gewoon zo.
Het verhaol kreeg de titel ‘Bewegende geraniums’ met; a’j t leest, dan begriep ie waorum.
Hierbij een link naor een PDF met de tekst. Bewegende geraniums
As ik in gezelschap al ies wat vertel over oonze belevenissen met Trijn krieg ik meewaorige reacties.
“Da’j dat wollen….!”
“Wat ’n gebemui ja.”
Ja.
Maor het was zu’n lief meinse; ze was allent een beetie neisgierig.
Dat waren trouwens wel meer luu op de Smilde…..!
Janny
Zo herkenbaar dit verhaal.
Soms kan het wat schuren als je weet dat de buurt meekijkt met wat er af en aan rijdt of aan de deur komt.
Maar wij hebben pas nog ervaren hoe goed het kan zijn als je buren er oog voor hebben dat er acuut hulp nodig is.
Willem
Laow ’t maor gewoon naoberschap numen en as het je soms teveul wordt dan moej maor leren um ’t bij je rug of te laoten glieren en aj dat niet kunt, dan moej van nood wal verhuzen. Dit verschiensel zit zo ongeveer in ’t DNA van de Drenten en is echt nietb altied negatief. Het gef ok een maote van rust en zekerheid.
Waj beschrieft gebeurt heden ten dage nog vaak. Een veurbeeld wa’k pas leden nog metmaakt heb; sinds mien zus, now dree jaor leden, oet de tied raakt is, gao’k um de paar weken gao’k hen mien zwaoger. Een toertie leden wa’k der ok en mien dochter har ok wat in de buurt van Coevern en ree mooi met. Toen wij in Vledder waren nam ze de auto met en zul mij ’s aovends weer oppikken.
In de loop van de middag kreg mien zwaoger een tillefoontie; de buurman want die was ongerust umdat e mien auto niet staon zag, want “Willem zul toch bij je kommen”. Kiek, dat kuj ziekelijke neisgierigheid numen, maor ie kunt het ok ‘umzien naor je naobers’ numen.
Ik mus op dat moment wal even dèenken an een verhaal van Marga Kool over ‘loeren’ en een auto wel ok weer in ’t computersysteem van de buurvrouw opslagen weur.
Sinet
Wat een mooi verhaal over Trijn!!!