Soms kan ik zo bliede worden van kleine dingen.
’s Mörgens naor Grun’n rieden en de lucht an de horizon hiel langzaom zien veranderen van zwart naor donkerpaors met slierten oranje.
Van lekkere verse champignonsoep van kok Cor in het bedriefsrestaurant in het Heymancentrum tussen de middag.
Van schoonzussie Annette die een foto stuurt van drei schattige kleine knienegies om Frea en Jon wat op te vrolijken nao het verlies van Pickle.
Van WhatsApp berichten van de kinder.

Carlijn stuurde guster een foto van een wildvrömde katte.
Ze hadden een Sunterklaosfeessie had met een studentengroep en zij haar veur de katte van ien van de wichter een vlinderstrikkie kocht.
Veur de karstdagen.
Van zu’n foto schiet ik in de lach….

Bij ‘bliede’ heurt veur mij het nummer van Skik dat giet over da’j bliede kunt wezen um kleinigheden.
“Ik bin zo bliede, man….”
Luuster maor ies: Bliede van Skik >>>