4 september: De conciërge.

Drentse vlag In 1973 nam ik afscheid van de Legere Schoele en gung ik hen de Christelijke MAVO in Smilde. Twaalf jaor was ik toen, ik weur in oktober dattien. Altied as ik um dizze tied die kuuk’ns met heur onwennige rugtassen en heur grote fietsen zie staon moe’k daor eem an denken. Hoe spannend as ik dat toen vun. Ik wus niet eens waor die schoele stun; vriendinnen Annemieke en Ellen wussen dat gelukkig wel, dus ik ben d’r wel kommen.

De eerste dag kregen wij een lesrooster. Een groot papier vol afkörtings en nummers. Ik wus zeker dat ik dat nooit zul onthollen allemaol, maor nao een maond was ik d’r al hielemaol an wend. En ok an dat gesjouw in grote groepen tussen de lesuren in en an het fietsen met de tasse achterop. Het veul eigenlijk allemaol wel met. Het was een kleine schoele en we kregen genog begeleiding bij alle neiïgheden.
Een fenomeen op die MAVO was ‘de conciërge’, an oons veursteld as Meneer Schuttrups.
“Zeg moar gewoon Schuttrups, heur, meneer past niet zo bij mij” zee e geliek in ’t begun al.

Dit is het begun van  een verhaol dat ik schreven heb in de streektaol as een soort eerbetoon an dizze concierge. Veur een PDF met het hiele verhaal klik hier: Schuttrups

1974 klas 2b

1974 klas 2b

Wie a’j ok spreekt over de MAVO in Smilde: iederiene leup weg met de concierge. Hij was zo populair, dat e op menig klassefoto stiet, ok op die van oons.
Op dizze foto (op klikken veur een vergroting) stiet e achteran, naost mij op een bankie. Die twee aandere heren bint de vertrekkende directeur, dhr. Van der Steeg en de kommende directeur, dhr. Ram, allebei an een kaante. Maor Schuttrups stiet tussen oons in. Zien plek op de foto zeg genog.

Daniël Lohues haar kennelijk ok zo’n concierge.
Luuster maor ies naor dit liedtie: Dat he ‘j in dizze wereld.

 

Dit bericht is geplaatst in Streektaol met de tags , , , , . Bookmark de permalink.

Één reactie op 4 september: De conciërge.

  1. Ieke Meijer schreef:

    Was een prachtige tijd op de MAVO in Smilde.
    Las dat jullie af en toe nog wel eens bij elkaar komen met 5 dames. Leuk hoor.
    Mocht er nog eens een reünie komen dan, ben ik graag van de partij.

    Ieke Meijer

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Type de getallen in cijfers in onderstaand vak * Time limit is exhausted. Please reload the CAPTCHA.